റിയാദ്: ഇത്തവണ സൗദിയിൽ നടക്കുന്ന റിയാദ് സീസണിൽ ഒരാഴ്ചക്കിടെ എത്തിയത് 20 ലക്ഷത്തിലധികം കാഴ്ചക്കാർ. 14 വേദികളിലായി നിരവധി രാജ്യങ്ങളിൽ നിന്നുള്ള സാംസ്‌കാരിക, കലാ പരിപാടികളാണ് സീസണിന്റെ ഭാഗമായി അരങ്ങേറുന്നത്.
സുവൈദി പാർക്കിലാണ് ഇന്ത്യയടക്കമുള്ള രാജ്യങ്ങളുടെ പരിപാടികൾ സംഘടിപ്പിച്ചിരിക്കുന്നത്. ബോളിവാർഡ് വേൾഡ്, കിംഗ്ഡം അരീന, ബോളിവാർഡ് സിറ്റി, ദി വെനി, അൽ സുവൈദി പാർക്ക് എന്നീ അഞ്ചിടത്തായാണ് റിയാദ് സീസണിന്റെ പ്രധാന പരിപാടികൾ നടക്കുന്നത്.
ബോക്സിംഗ് മത്സരം, ടെന്നീസ് ടൂർണ്ണമെന്റ്, വിവിധ രാജ്യങ്ങളിലെ നിരവധി കലാ സാംസ്‌കാരിക പരിപാടികൾ എന്നിവയാണ് ഫെസ്റ്റിന്റെ ഭാഗമായി സംഘടിപ്പിച്ചിരിക്കുന്നത്.
