റിയാദ്: സൗദി ദേശീയദിനത്തോടനുബന്ധിച്ച് 93 റിയാലിന് സൗദിക്കകത്തും 193 റിയാലിന് വിദേശത്തേക്കും ഓഫർ യാത്ര നിരക്ക് ഫ്ലൈ‍നാസ് പ്രഖ്യാപിച്ചു.
ഓഫർ നേടുന്നതിന് ഒക്ടോബർ 1 നും ഡിസംബർ 31 നും ഇടയിൽ യാത്ര ചെയ്യുന്നവർ സെപ്തംബർ 20 നും 23 നും ഇടയിൽ ടിക്കറ്റ് ബുക്ക് ചെയ്യേണ്ടതാണ്. എല്ലാ വ്യാഴം ശനി ദിവസങ്ങളിലും നവംബർ 1 മുതൽ 5 വരെയും നവംബർ 16 മുതൽ 26 വരെയും ഓഫർ ലഭ്യമാകുകയില്ല എന്ന് എയർലൈൻ അധികൃതർ അറിയിച്ചു.
ആദ്യം ബുക്ക് ചെയ്യുന്ന ഏതാനും സീറ്റുകളിൽ മാത്രമാണ് ഓഫർ ലഭ്യമാവുകയെന്നും എയർലൈൻ അധികൃതർ വ്യക്തമാക്കി.
