ജിദ്ദ-കോഴിക്കോട് ടിക്കറ്റ് നിരക്കിൽ വൻ കുറവ്

ജിദ്ദ-കേരളത്തിൽ നിന്ന് ജിദ്ദയിലേക്കുള്ള ടിക്കറ്റ് നിരക്കിൽ കുറവ് വന്ന സാഹചര്യത്തിൽ ജിദ്ദയിൽ നിന്ന് കോഴിക്കോട്ടേക്കുള്ള ടിക്കറ്റ് ചാർജിലും വൻ കുറവ്. കോഴിക്കോട്-ജിദ്ദ-കോഴിക്കോട് സെക്ടറുകളിൽ സർവീസ് നടത്തിയിരുന്ന ചാർട്ടേഡ് സർവീസുകളിലാണ് ടിക്കറ്റ് നിരക്കിൽ കുറവ് വന്നത്. അടുത്ത ദിവസങ്ങളിൽ ജിദ്ദയിൽ നിന്ന് കോഴിക്കേട്ടേക്കുള്ള ഇൻഡിഗോ വിമാനത്തിന് 550 റിയാൽ മുതൽ ടിക്കറ്റ് ലഭ്യമാണ്. ഏപ്രിൽ രണ്ടു വരെയുള്ള ചില ദിവസങ്ങളിൽ 550 മുതൽ 750 റിയാൽ വരെ നൽകിയാൽ ടിക്കറ്റുണ്ടെന്ന് ട്രാവൽ മേഖലയിൽ പ്രവർത്തിക്കുന്നവർ വ്യക്തമാക്കി. കഴിഞ്ഞ മാസം വരെ ജിദ്ദ-കോഴിക്കോട് നിരക്ക് 800 റിയാലിന് മുകളിലായിരുന്നു. ഈ നിരക്കാണ് ഇപ്പോൾ ഒറ്റയടിക്ക് കുറഞ്ഞിരിക്കുന്നത്.