2034-ലെ ലോകകപ്പിന് സൗദി അറേബ്യ ആതിഥ്യം വഹിക്കും. മറ്റൊരു രാജ്യവും 2034 ലോകകപ്പിനുള്ള ആതിഥേയത്വം വഹിക്കാനുള്ള ബിഡ് സമർപ്പിക്കാത്താതാണ് സൗദിക്ക് നറുക്ക് വീഴാൻ കാരണം. 11 വർഷത്തിന് ശേഷം ലോക ഫുട്ബോൾ മാമാങ്കം സൗദിയുടെ മണ്ണിലെത്തും. എല്ലാ സാങ്കേതിക മാനദണ്ഡങ്ങളും പാലിച്ചുകൊണ്ട് ഈ വർഷം അവസാനത്തോടെ തീരുമാനം ഔദ്യോഗികമായി അംഗീകരിക്കപ്പെടും. ടൂർണമെൻറ് നടത്താനുള്ള സാങ്കേതിക കാര്യങ്ങൾ സംബന്ധിച്ചുള്ള പരിശോധനയും നടക്കും.
2034-ലെ ഫിഫ ലോകകപ്പിന് സൗദി അറേബ്യ ആതിഥേയത്വം വഹിക്കുമെന്ന് അന്താരാഷ്ട്ര ഫുട്ബോൾ ഫെഡറേഷൻ (ഫിഫ) പ്രസിഡന്റ് ജിയാനി ഇൻഫാന്റിനോ ചൊവ്വാഴ്ച വൈകിട്ട് സോഷ്യൽ മീഡിയ പോസ്റ്റിലൂടെയാണ് ലോകത്തെ അറിയിച്ചത്.