റിയാദ്: സൗദിയിൽ താപനില ഉയരുമെന്ന് മുന്നറിയിപ്പ്. ശനിയാഴ്ച മുതൽ വ്യാഴാഴ്ച വരെ പല പ്രദേശങ്ങളിലും പരമാവധി താപനില 45 ഡിഗ്രി സെൽഷ്യസ് മുതൽ 50°C വരെയാകുമെന്ന് നാഷണൽ സെന്റർ ഫോർ മെറ്റീരിയോളജി അറിയിച്ചു. ജൂൺ 20 മുതൽ ജൂൺ 25 വരെ കിഴക്കൻ പ്രവിശ്യ, റിയാദ്, അൽ-ഖാസിം, മദീന, വടക്കൻ അതിർത്തികൾ എന്നിവിടങ്ങളിൽ കടുത്ത ചൂട് അനുഭവപ്പെടുമെന്നാണ് പ്രവചനം.
കിഴക്കൻ പ്രവിശ്യയിൽ 47°C മുതൽ 50°C വരെ താപനില പ്രതീക്ഷിക്കുന്നു. അതേസമയം, റിയാദ്, ഖാസിം, മദീന, വടക്കൻ അതിർത്തി പ്രദേശങ്ങൾ എന്നിവിടങ്ങളിൽ 45-47°C വരെ താപനിലയാണ് പ്രതീക്ഷിക്കുന്നത്.
