റിയാദ്: ഓഗസ്റ്റ് 1 മുതൽ 8 വരെ സൗദി അറേബ്യയുടെ ചില ഭാഗങ്ങളിൽ അതിശക്തമായ ചൂടുള്ള കാലാവസ്ഥ തുടരുമെന്ന് മുന്നറിയിപ്പ് നൽകി നാഷണൽ സെന്റർ ഫോർ മെറ്റീരിയോളജി. താപനില 49°C വരെ ഉയരുമെന്നാണ് മുന്നറിയിപ്പ്.
ശനിയാഴ്ച മുതൽ വെള്ളിയാഴ്ച വരെ തുടരുന്ന ഉഷ്ണതരംഗം കിഴക്കൻ പ്രവിശ്യയെയും റിയാദ് മേഖലയുടെ കിഴക്കൻ ഭാഗങ്ങളെയും ബാധിക്കുമെന്ന് കാലാവസ്ഥാ നിരീക്ഷണ കേന്ദ്രം പ്രവചിക്കുന്നു. ഈ മേഖലകളിൽ പരമാവധി താപനില 47°C നും 49°C നും ഇടയിലായിരിക്കുമെന്ന് പ്രതീക്ഷിക്കുന്നതായും കാലാവസ്ഥാ നിരീക്ഷണ കേന്ദ്രം കൂട്ടിച്ചേർത്തു.
