റിയാദ്: സൗദിയിലെ അൽകോബാറിൽ നിന്നും കാണാതായ കുട്ടിയെ മരിച്ച നിലയിൽ കണ്ടെത്തി. അൽ കോബർ ശിമാലിയ്യ പാർക്കിൽ നിന്നും കാണാതായ നാലു വയസുള്ള കുട്ടിയെയാണ് മരിച്ച നിലയിൽ കണ്ടെത്തിയത്. പാർക്കിന് സമീപമുള്ള ഫൗണ്ടനിൽ നിന്നുമാണ് കുട്ടിയുടെ മൃതദേഹം കണ്ടെത്തിയത്.
ബിഹാർ സ്വദേശി യാസിറിന്റെ മകൻ റയ്യാൻ ആണ് മരിച്ചത്. കഴിഞ്ഞ ദിവസം വൈകിട്ട് ഏഴ് മണിയോടെ മാതാപിതാക്കൾക്കൊപ്പം പാർക്കിലെത്തിയ കുട്ടിയെ പെട്ടെന്ന് കാണാതാവുകയായിരുന്നു. ഉടൻ അന്വേഷണം ആരംഭിച്ചെങ്കിലും കുട്ടിയെ കണ്ടെത്താനായില്ല.
കുട്ടിയുടെ മൃതദേഹം പാർക്കിന് സമീപമുള്ള ഫൗണ്ടൈനിൽ നിന്നും വൈകിട്ടോടെയാണ് കണ്ടെത്തിയത്. മൃതദേഹം ദമ്മാം സെൻട്രൽ ആശുപത്രിയിലേക്ക് മാറ്റിയതായി ബന്ധപ്പെട്ട വൃത്തങ്ങൾ അറിയിച്ചു.
