റിയാദ്: അഴിമതി കേസിൽ സൗദിയിൽ 158 പേർ അറസ്റ്റിൽ. സൗദി ഓവർസൈറ്റ് ആൻഡ് ആന്റി കറപ്ഷൻ അതോറിറ്റി (നസഹ) ആണ് അറസ്റ്റ് രേഖപ്പെടുത്തിയത്. ആഭ്യന്തര മന്ത്രാലയം, നീതിന്യായ മന്ത്രാലയം, വിദ്യാഭ്യാസ മന്ത്രാലയം, മുനിസിപ്പാലിറ്റി, ഭവന മന്ത്രാലയം എന്നിവിടങ്ങളിൽ നിന്നുള്ള ജീവനക്കാരാണ് അറസ്റ്റിലായത്. കൈക്കൂലി, ഔദ്യോഗിക സ്ഥാനങ്ങൾ ദുരുപയോഗം ചെയ്യൽ തുടങ്ങിയ കുറ്റങ്ങളാണ് ഇവർക്കെതിരെയുള്ളത്. 381 ജീവനക്കാർക്കെതിരെ അന്വേഷണം ആരംഭിക്കുകയും ചെയ്തു.
സർക്കാർ സ്ഥാപനങ്ങളിലുടനീളം സമഗ്രത ശക്തിപ്പെടുത്തുന്നതിനും അഴിമതിയെ നേരിടുന്നതിനുമുള്ള തുടർച്ചയായ ശ്രമങ്ങളെയാണ് അതോറിറ്റി ഈ നടപടിയിലൂടെ ഉയർത്തിക്കാട്ടുന്നത്. അറസ്റ്റിലായവരിൽ ചിലരെ പിന്നീട് ജാമ്യത്തിൽ വിട്ടയച്ചു. കഴിഞ്ഞ മാസം 1,758 മേൽനോട്ട സന്ദർശനങ്ങളാണ് നസഹ നടത്തിയത്. സർക്കാർ സ്ഥാപനങ്ങളിലെ സമഗ്രത സംരക്ഷിക്കുന്നതിനും അഴിമതിക്കെതിരെ പോരാടുന്നതിനുമുള്ള നസഹയുടെ തീവ്രമായ ശ്രമങ്ങളുടെ ഭാഗമായായാണ് നടപടികൾ.
