റിയാദ്: സെപ്തംബർ മാസത്തിൽ സൗദി അറേബ്യയിലുടനീളമുള്ള വാണിജ്യ സ്ഥാപനങ്ങളിലും റീട്ടെയിൽ ഔട്ട്ലെറ്റുകളിലും വാണിജ്യ മന്ത്രാലയത്തിലെ ഉദ്യോഗസ്ഥർ നടത്തിയത് 58,000-ത്തിലധികം പരിശോധനാ സന്ദർശനങ്ങൾ. വാണിജ്യ സ്ഥാപനങ്ങൾ, സെൻട്രൽ മാർക്കറ്റുകൾ, സ്വർണ്ണ, ആഭരണശാലകൾ, ഇലക്ട്രിക്കൽ, ഇലക്ട്രോണിക് ഉപകരണ കടകൾ, മറ്റ് ഔട്ട്‌ലെറ്റുകൾ എന്നിവിടങ്ങൾ കേന്ദ്രീകരിച്ചായിരുന്നു പരിശോധന.
സാധനങ്ങളുടെയും ഉത്പ്പന്നങ്ങളുടെയും ലഭ്യതയും അവയുടെ വൈവിധ്യമാർന്ന ബദലുകളും പരിശോധിക്കുക, വില ടാഗുകളിലൂടെയും ഇലക്ട്രോണിക് വിലനിർണ്ണയത്തിലൂടെയും വില സുതാര്യത ഉറപ്പാക്കുക, വിൽപ്പന കിഴിവുകൾ നിരീക്ഷിക്കുക, മന്ത്രാലയത്തിന്റെ ചട്ടങ്ങൾ സ്ഥാപനങ്ങൾ പാലിക്കുന്നുണ്ടോ എന്ന് പരിശോധിക്കുക എന്നിവയാണ് സന്ദർശനങ്ങളുടെ ലക്ഷ്യം.
