റിയാദ്: സൗദിയിൽ വാഹനാപകടത്തിൽ ആറു പേർ മരിച്ചു. വ്യാഴാഴ്ച രാവിലെ തായിഫ്-റിയാദ് ഹൈവേയിൽ ഉണ്ടായ അപകടത്തിൽ അഞ്ച് വനിതാ അധ്യാപികമാരും അവരുടെ ഡ്രൈവറും ഉൾപ്പെടെയാണ് മരിച്ചത്. അൽ-മുവൈ ഗവർണറേറ്റിന് വടക്കുപടിഞ്ഞാറുള്ള ഹൈലാൻ എലിമെന്ററി ആൻഡ് ഇന്റർമീഡിയറ്റ് സ്‌കൂളിലേക്ക് അധ്യാപകർ യാത്ര ചെയ്യുന്നതിനിടെയാണ് വാഹനം മറ്റൊരു വാഹനവുമായി കൂട്ടിയിടിച്ചത്.
അധ്യാപികമാരിൽ ഒരാൾ ഗർഭിണിയായിരുന്നുവെന്ന് ബന്ധു പറഞ്ഞു. സംഭവത്തിൽ സൗദി അറേബ്യയുടെ ദേശീയ ഗതാഗത സുരക്ഷാ കേന്ദ്രം അന്വേഷണം ആരംഭിച്ചു.
