റിയാദ്: ഹൂതി ആക്രമണങ്ങൾക്കെതിരെ ശക്തമായ പ്രതിരോധ നടപടികളുമായി സൗദി അറേബ്യ. 136 ഹൂതി സൈനിക കേന്ദ്രങ്ങൾ സഖ്യസേന തകർത്തു. യമൻ സർക്കാർ സേനയെ പിന്തുണയ്ക്കുന്നതിന്റെ ഭാഗമായി ഹൂതി പോരാളികളെയും സൈനിക ശേഷിയെയും ലക്ഷ്യമിട്ടാണ് ഓപ്പറേഷൻ നടത്തിയതെന്ന് സഖ്യസേന വക്താവ് മേജർ ജനറൽ തുർക്കി അൽ-മാലികി പറഞ്ഞു.
ഒന്നിലധികം യുദ്ധമുഖങ്ങളിൽ യെമൻ സർക്കാർ സേനയ്ക്ക് 24 മണിക്കൂറും വ്യോമ പിന്തുണ നൽകുന്നുണ്ടെന്ന് സഖ്യം എക്‌സ് പ്ലാറ്റ്‌ഫോമിൽ പോസ്റ്റ് ചെയ്ത പ്രസ്താവനകളിൽ വ്യക്തമാക്കിയിട്ടുണ്ട്. ഹതിികളുടെ ബാലിസ്റ്റിക് മിസൈൽ ശൃംഖല തകർക്കാനും നശിപ്പിക്കാനും സഖ്യസേന പ്രവർത്തിക്കുന്നുണ്ടെന്നും അധികൃതർ കൂട്ടിച്ചേർത്തു.
അതേസമയം, കഴിഞ്ഞ 24 മണിക്കൂറിനുള്ളിൽ ഹൂതി പോസ്റ്റുകൾക്കെതിരെ സർക്കാർ സേന 2,750 ലധികം ആക്രമണങ്ങൾ നടത്തിയതായി യെമൻ സായുധ സേന വക്താവ് ബ്രിഗേഡിയർ ജനറൽ മജീദ് അബ്ദുല്ല അൽ-നദിബ് വെള്ളിയാഴ്ച പറഞ്ഞിരുന്നു.
