റിയാദ്: സൗദി അറേബ്യയിൽ പ്രവാസി മലയാളി നിര്യാതനായി. മലപ്പുറം പാലോളിപ്പറമ്പ് സ്വദേശി കണ്ടങ്ങാടത്ത്‌ കമലുദീൻ ആണ് മരിച്ചത്. 59 വയസായിരുന്നു. സ്വകാര്യ കമ്പനി ജീവനക്കാരനായിരുന്ന കമാലുദ്ദിൻ 25 വർഷത്തിലേറെയായി റിയാദിൽ പ്രവാസിയാണ്. സ്വകാര്യ കമ്പനിയിൽ ജീവനക്കാരനായിരുന്ന കമാൽ നാലു മാസങ്ങൾക്ക് മുൻപാണ് അവസാനമായി നാട്ടിലേക്കെത്തി മടങ്ങിയത്.
പരേതരായ ഉമ്മർകുട്ടിയുടെയും ആമിനയുടെയും മകനാണ്. ഭാര്യ ഖദീജ. മക്കൾ: മുസമ്മിൽ ഫാത്തിമ, മിഷാൽ.
മരണാനന്തര നടപടിക്രമങ്ങൾ പൂർത്തിയാക്കുന്നതിനായി റിയാദ് കെ.എം.സി.സി വെൽഫയർ പ്രവർത്തകർ രംഗത്തുണ്ട്.
