റിയാദ്: സൗദി അറേബ്യയിൽ ആറ് പ്രവാസി സ്ത്രീകൾ അറസ്റ്റിൽ. വേശ്യാവൃത്തി നടത്തിയ ആറ് പ്രവാസി സ്ത്രീകളാണ് കിഴക്കൻ പ്രവിശ്യയിൽ അറസ്റ്റിലായത്. ജനറൽ ഡയറക്ടറേറ്റ് ഫോർ കമ്മ്യൂണിറ്റി സെക്യൂരിറ്റി ആൻഡ് കോംബാറ്റിംഗ് ഹ്യൂമൻ ട്രാഫിക്കിംഗുമായി ഏകോപിപ്പിച്ച് കിഴക്കൻ പ്രവിശ്യാ പോലീസാണ് ഇവരെ അറസ്റ്റ് ചെയ്തത്.
നിയമലംഘകരെയും ക്രിമിനൽ പ്രവർത്തനങ്ങളിൽ ഏർപ്പെട്ടിരിക്കുന്നവരെയും നിരീക്ഷിക്കുന്നതിനും കണ്ടെത്തുന്നതിനും പിടികൂടുന്നതിനുമുള്ള തുടർച്ചയായ സുരക്ഷാ ശ്രമങ്ങളുടെ ഭാഗമായാണ് ഈ ഓപ്പറേഷൻ. സ്ത്രീകളെ കസ്റ്റഡിയിലെടുക്കുകയും ഇവർക്കെതിരെ പ്രാഥമിക നിയമ നടപടികൾ ആരംഭിക്കുകയും ചെയ്തതായും കൂടുതൽ നിയമനടപടികൾ പുരോഗമിക്കുകയാണെന്നും പബ്ലിക് സെക്യൂരിറ്റി അറിയിച്ചു. ബാധകമായ ചട്ടങ്ങൾക്കനുസൃതമായി ആവശ്യമായ ജുഡീഷ്യൽ നടപടിക്രമങ്ങൾ പൂർത്തിയാക്കാൻ സ്ത്രീകളെ പിന്നീട് പബ്ലിക് പ്രോസിക്യൂഷന് കൈമാറി.
