ജിദ്ദ: സൗദി അറേബ്യയിൽ രണ്ട് ഇന്ത്യക്കാർ അറസ്റ്റിൽ. സൗദിയിലെ കിഴക്കൻ പ്രവിശ്യ അൽഖോബാറിൽ ഭിക്ഷാടന നിരോധന നിയമപ്രകാരം രണ്ട് ഇന്ത്യക്കാരെ സുരക്ഷാ സേന അറസ്റ്റ് ചെയ്തതായി അധികൃതർ അറിയിച്ചു. പൊലീസിന്റെ പിടിയിൽ നിന്നും കടന്നു കളഞ്ഞ് ട്രാഫിക് സിഗ്നലിൽ ഭിക്ഷയാചിക്കുന്നതിനിടെയാണ് ഇതിൽ ഒരാൾ അറസ്റ്റിലായത്.
വാഹനങ്ങളുടെ ഗ്ലാസ് കഴുകി ഡ്രൈവർമാരിൽ നിന്നും പണം കൈപ്പറ്റുന്നത് ശ്രദ്ധയിൽപ്പെട്ടപ്പോഴാണ് രണ്ടാമത്തെയാളെ പോലീസ് അറസ്റ്റ് ചെയ്തത്. അൽഖോബാറിൽ തന്നെ സമാനമായ മറ്റൊരു സംഭവത്തിൽ, പള്ളിയിൽ ഭിക്ഷയാചിച്ചുകൊണ്ടിരുന്ന ബംഗ്ലദേശ് സ്വദേശിയും അറസ്റ്റിലായിട്ടുണ്ട്.
