റിയാദ്: എൽ നിനോയുമായി ബന്ധപ്പെട്ട ഏറ്റവും പുതിയ കാലാവസ്ഥാ സൂചകങ്ങൾ പുറത്തിറക്കി റീജിയണൽ സെന്റർ ഫോർ ക്ലൈമറ്റ് ചേഞ്ച് (ആർസിസിസി). സൗദിയിൽ
വരും മാസങ്ങളിൽ സാധാരണ നിലയേക്കാൾ താപനില ഉയരുമെന്നാണ് പ്രവചനം.
നാഷണൽ സെന്റർ ഫോർ മെറ്റീരിയോളജിയും ആർസിസിസിയും പുറപ്പെടുവിച്ച ഈ പ്രവചനങ്ങൾ, 2026 ലെ ശരത്കാലത്ത് രാജ്യത്ത് ഉണ്ടാകാവുന്ന കാലാവസ്ഥാ പ്രത്യാഘാതങ്ങളെ സൂചിപ്പിക്കുന്നു. സാധാരണ നിലയേക്കാൾ താപനില ഉയരുന്നതും ചില പ്രദേശങ്ങളിൽ മഴയുടെ സാധ്യത വർദ്ധിക്കുന്നതും ഇതിൽ ഉൾപ്പെടുന്നു.
അതേസമയം, 2026 വേനൽക്കാലം സൗദി അറേബ്യയുടെ മിക്ക പ്രവിശ്യകളിലും ചൂട് കഠിനമായിരിക്കുമെന്ന് ദേശീയ കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. ജൂൺ മാസത്തെ അപേക്ഷിച്ച് ജൂലൈ, ആഗസ്റ്റ് മാസങ്ങളിൽ ശരാശരി താപനില വർധിക്കുമെന്നും ചൂട് കനക്കുമെന്നും കേന്ദ്രം പ്രവചിച്ചു.
